Este pasado venres realizamos na aula un debate sobre medio ambiente para responder á pregunta "Está o noso planeta en perigo? Cada alumna e cada alumno expuxo a súa opinión e as súas razóns polas que consideraba que o planeta estaba en perigo ou, polo contrario, pensaba que non era así. Ademais falouse de que medidas podíamos tomar todas e todos nós, e cada quen en particular, para coidar o medio ambiente. En breve poderedes escoitar o debate na nosa radio "Xixirei nas ondas".
domingo, 28 de febreiro de 2021
RAP CAMPANAS DE BASTABALES
O alumnado de 5º fixeron este rap para conmemorar o Día de Rosalía, o 24 de febreiro, coa letra do poema "Campanas de Bastabales". Esperamos que vos guste!
domingo, 21 de febreiro de 2021
Día de Rosalía 2021
O próximo mércores 24 de febreiro celébrase o día de Rosalía de Castro. En Santiago e en moitos lugares de Galicia vaise lembrar este día, se ben por mor da pandemia case non vai haber actos públicos. Pero hai moitas maneiras de celebralo. Na nosa aula estamos a preparar un rap que despois gravaremos e publicaremos, tanto nos blogs do colexio (no da nosa aula por suposto!) e na radio Xixirei nas Ondas. Aquí podedes ver o cartaz que preparou a Asociación de Escritores en Lingua Galega. Tamén podedes acceder á súa páxina a traveso deste enlace, onde poderedes ver os actos que organizan en diferentes vilas e cidades galegas.
sábado, 20 de febreiro de 2021
Diana Trujillo fálanos de misión Marte 2020 da NASA
Neste vídeo a enxeñeira aeroespacial Diana Trujillo, a directora de voo da misión Perseverante explicaba hai uns meses o que ían buscar a Marte. Moi interesante!
Diana Trujillo e a misión Marte 2020 da NASA
Primeiras imaxes en cor de Marte tomadas polo Perseverance
A célula
Este venres pasado estivemos a facer, por equipos, maquetas dunha célula animal. Como vedes no vídeo de abaixo o resultado estivo bastante ben. Con esta actividade plástica complementamos o estudo das células, especialmente das que compoñen o organismo humano, cos seus compoñentes fundamentais.
mércores, 17 de febreiro de 2021
A ESA busca novas e novos astronautas
Nesta noticia do xornal "La Razón" podedes ler esta noticia, sobre o proceso que vai iniciar a Axencia Espacial Europea para reclutar novos astronautas. Vós aínda non tedes idade, pero nun futuro, quen sabe? Mirade cales son algúns dos requisitos para poder chegar a ser un astronauta. Que vos parece?
mércores, 10 de febreiro de 2021
Día Internacional da Muller e a Nena na Ciencia con Nieves Vidal González
Esta mañá á volta do recreo celebramos o Día Internacional da Muller e a Nena na Ciencia tivemos unha charla, "Esta árbore precisa de min" con Nieves Vidal González, doutora en bioloxía no Instituto de Investigacións agrobiolóxicas de Galicia (IIAG), do Consello Superior de Investigacións Científicas (CSIC), en Santiago de Compostela. Nieves está a investigar sobre micropropagación de especies leñosas (sobre todo árbores), tamén é especialista en crioconservación de especies como o castiñeiro, o carballo ou a sobreira, análise de estabilidade xenética en plantas cultivadas in vitro, e outras máis.
Na nosa aula falounos de diferentes aspectos do seu traballo como científica, de homes e mulleres científicas e das súas investigacións. Amosounos o proceso que se levou a cabo para clonar un carballo famoso, o Carballo das Mentiras de San Miguel de Sarandón, en Vedra, que enfermara e estaba a morrer. Explicounos todo o proceso científico levado a cabo, así como moitos aspectos, moi interesantes, do traballo científico. Foi unha charla moi interesante e instructiva, achegándonos a ciencia e o traballo científico dun xeito atractivo.
O home de cristal
O home de cristal
O home de cristal vivía como outro calquera, tiña casa e todo o que teñen os demais seres humanos. Pero el non podía xogar ao fútbol nin a ningún outro xogo. Aínda así non lle importaba nada, el era feliz coas súas cousas, co seu can e co seu gato. A el dábanlle como a nós formigueiros no pe, como a moitos de nós, pero cando lle pasaba a el, non se podía mover.
O seu can, que tamén era de cristal, andaba sempre detrás do gato para amolado. O gato tamén era de cristal, e sempre tiña que escapar do can. Ao home gustaríalle que o seu can e o seu gato non pelexaran e se levaran ben, pero o can ía sempre perseguindo ao gato.
Un día o gato escapou por baixo dunha cadeira seguido polo can, que o perseguía detrás. O gato pasou por riba dun tarro de cristal e... cando o can quixo coller ao gato... pum! rompeu o tarro e o can cortouse cos cristais. Ao final houbo que levalo ao veterinario, onde tiveron que sacarlle o cristal e poñerlle puntos.
Ao chegar a casa, o gato, ao ver que o can estaba ferido sentiu mágoa por el, acariñouno e ao final durmiron xuntos.Ao día seguinte foron quitarlle os puntos ao can. Cando volveu a casa corría e non paraba quieto. Pero o home de cristal por fin podía estar tranquilo na súa casa.
Autor: X
O home de cristal
La mujer de cristal
La mujer de cristal
El chico de cristal
Cristal y metal
martes, 9 de febreiro de 2021
domingo, 7 de febreiro de 2021
venres, 5 de febreiro de 2021
mércores, 3 de febreiro de 2021
La niña de cristal
martes, 2 de febreiro de 2021
O colexio rodeado polo mar
A escola no mar
Descubrimos que estabamos rodeados polo mar!
Eu estaba sola na clase con Akane, e púxenme a pensar, pero non entendía porque estabamos rodeados polo mar, Akane tamén púxose a pensar pero non conseguíamos saber por que estabamos rodeadas polo mar.
Akane e eu estabamos moi asustadas. Akane, que é unha obsesionada co paranormal e dixo...
-Quizais un espírito botounos unha maldición e rodeounos polo mar ou quezas nos rodeou polo mar e no mar hai unha quenlla xigante ou un monstro subacuático.-
-Non digas parvadas.- díxenlle eu.
-Esta ben... que facemos?- dixo ela.
-Non sei, pero o que si sei e que imos morrer.- contestei eu.
-Sabes que?- preguntou Akane
-Que?- respondinlle eu.
-Vou investigar pola escola e buscar xente.- dixo ela.
-Vou contigo- díxenlle.
-Si, non me iría mal un pouco de compañía.- dixo ela.
Non encontramos a ninguén, pero seguimos buscando e encontramos a un compañeiro noso, estaba encerrado nun armario e estaba moi nervioso e asustado.
El explicounos o que pasara.
O que pasara era que...
Noso colexio esta cerca do mar, houbera un terremoto.
O mar desbordouse e a escola inundouse.
O neno chamábase Akiro, e nos dixo...
-Os demais profesores e alumnos conseguiron escapar menos nós, imos morrer...-
Eu díxenlle:
-Deixade de dicir que imos morrer, seguro que encontramos unha solución...
CONTINUARÁ
-
Este é o texto que escribiron "Os catro animais" sobre este raposo tan descarado. Cuando llegué a casa, un zorro dormía delante de...
-
Hoxe na clase fixemos un experimento consistente en mostrar as propiedades de cohesión e adhesiva da auga, grazas as que é quen de viaxar de...
-
Este venres pasado estivemos a facer, por equipos, maquetas dunha célula animal. Como vedes no vídeo de abaixo o resultado estivo bastante b...