De onde ven a caca? 2ª parte

 

Este venres rematamos o experimento, despois de deixar os cereais mergullados en vinagre, simulando o proceso dentro do estómago cos zumes gástricos.

De onde ven a caca??

 

Na aula estamos a facer unha experiencia moi interesante sobre como se producen as substancias de refugallo no noso corpo no proceso da dixestión. É un traballo proposto e realizado por María Mayo, alumna da Facultade de Ciencias da Educación para a asignatura de Ciencias da Natureza. Esta que vedes é a primeira parte dunha experiencia que remataremos mañá, cando vexamos o resultado da acción do "zume gástrico", representado polo vinagre.

O ouro (Au)

 

Experimento sobre a tensión superficial

Hoxe levamos a cabo un experimento para comprobar a tensión superficial da auga. Foi moi simple, so precisamos un clip e un pouco de auga. Ao principio custaba un pouco facer que o clip non transpasase a membrana superficial da auga, pero despois conseguímolo, aprendemos a non transpasar esa membrana. Tamén estivemos facendo observacións de obxectos coa lupa binocular.

King Johns Castle - Irish Dance Performance - Limerick

A ver que vos parece esta danza tradicional irlandesa en Limerick, realizada por este grupo de rapazas.

Concerto de Reis da Real Filharmonía de Galicia

Aquí podedes ver e escoitar o Concerto de Reis que realizou a Real Filharmonía de Santiago no Auditorio de Galicia o pasado 5 de xaneiro. Espero que vos guste.

Super. El comienzo

 

O señor Samsa

O señor Samsa amenceu na cama convertido nun escaravello. Cando foi dar un berro ao ver en que se convertera, deuse de conta de que non podía falar. 

Marchou voando á cociña mais a porta estaba pechada e non podía abrila, así que saíu voando pola xanela. Non sabia onde ir e atopouse cun animal morto. El odiaba moito os insectos pero sabia moito de eles. Recordou que os escaravellos comían animais e plantas mortas pero el non era quen de comer iso! 

Seguiu voando e no medio do camiño encontrou un humano. Intentou chamar a súa atención, pero a persoa non se daba conta de que se trataba do señor Samsa convertido nun escaravello. O humano intentou matalo porque lle parecía molesto, colleu un zapato e comezou a perseguir ao señor Samsa. Este comezou a voar e despistou a aquela persoa. 

De repente comezou a chover e o señor Samsa non podía seguir voando, así que púxose a camiñar na procura dun refuxio. Cando se deu de conta estaba nunha cova chea de arañas por todas partes. Nada máis dar un paso ficou preso nunha tea de araña. As arañas comezaron a atacalo e el non tiña saída. Todo virouse de cor negra... pero cando abriu os ollos viu que todo tiña sido todo un soño! 

Comprendeu que a vida para os insectos non era fácil e que se moitas persoas téntamos matar cando entran nas casas, co cal a súa vida é complicada de máis. Así que decidiu que nunca máis ía matar insectos inofensivos.

O señor Samsa

Despois de que o señor Samsa se converteu en escaravello decidiu refacer a súa vida. Entón fixo unha lista con todos os propósitos que tiña agora que era un escaravello. 

O primeiro era buscar moza, o segundo buscar amigos, o terceiro coñecer algunha familia voa, cuarto volver aprender a escribir e a ler e último facer dieta para adelgazar, pois o señor Samsa tiña a barriga moi gorda ou moi ancha. 

Intentou buscar moza pero non foi que. Despois intentou buscar amigos, máis ninguén quería ser o seu amigo. Tampouco tivo éxito para coñecer algunha familia. Nas clases para ler e escribir non entendía nada. 

O señor Samsa non aguantou tampouco a dieta, pois non aguantou e acabou pedindo unha hamburguesa mil con queixo. 

Como nada lle saíra ben inchou coma a pataca máis grande do mundo. 

Púxose moi triste, ata que un día que estaba camiñando pola rúa una nena se lle acercou e lle dixo: 

- Bos dias señor, parece moi triste, que lle pasou para ter esa tristeza? 

O señor Samsa respondeulle que intentara coller moza, pero nada, buscara ter amigos e tampouco nada. O mesmo pasou buscando una familia, intentando aprender a escribir e a ler e procurando adelgazar. Non lle gustaba a súa vida, a xente non paraba de dicirlle cousas como “Que escaravello máis burro!” e cousas así. 

A nena díxolle con valor: 

Pero a ti que te importa o que digan os demais. Non importa que non teñas moza nin familia. O que importa é que ti esteas feliz. Despois de escoitar as palabras da nena o señor Samsa ergueuse os ánimos e seguiu coa súa vida, porque esa era a súa vida, non a de os demais. 

Macapupi

O SEÑOR SAMSA E OS ESCARAVELLOS

O señor Samsa amenceu na cama convertido nun escaravello. 

-SON UN ESCARAVELLO !– berrou presa do medo. 

Era imposible! Pero, por que lle acontecera iso, a el? Por que non a outra persoa? 

O señor Samsa estaba alucinando, que pasou? Intentou lembrar todo o que pasara ao longo do día de onte en busca de respostas. Pero el non fixera nada raro: “Levanteime, almorcei, fun traballar, comín, volvín traballar e vin para casa... un día normal e corrente. Como era posible? Era a persoa máis normal e aburrida deste mundo. 

-Teño que saír tomar o aire .- pensou. 

Así que con moita dificultade gabeou ata ventá que estaba aberta, pero xusto cando chegou ao marco un refacho de aire levouno voando. 

Era unha sensación moi rara, de liberdade e de medo, e no momento no que se atrevera a abrir as súa ás, o vento parou e deixouno caer ao lado do restaurante no que comera onte. 

-Ao mellor dentro atopo a resposta da miña transformación- pensou. 

Decidiu entrar, pola porta de atrás, que daba a cociña e cando entrou viu máis dunha ducia de escaravellos, de diferentes clases, dende vacalouras, a escaravellos peloteiros, escaravellos pulga... 

A todos os que estaban alí pasaralles o mesmo: onte eran humanos normais e correntes e hoxe espertaran convertidos en bechos. Seguro que o cociñeiro envelenara a comida... 

Un escornabois, grande e negro, de súpeto berrou: 

-Mirade o antídoto! 

Nunha balda había un bote que poñía antídoto de escaravello. Estaba claro, tiñan que collelo. 

Entre todos formaron unha escaleira (uns enriba dos outros), para que un pequeno peloteiro chegase ata alí e o tirase. Así, ao romper o bote, o líquido esparexeríase por todo o chan e todos poderían beber del. 

A escena que veu despois, era un pouco graciosa, porque había un montón de persoas, bebendo do chan (como cascudas) e cando o cociñeiro, entrou na cociña e veu iso escapou correndo, moi rápido. 

O señor Samsa intentouno perseguir, pero non o dou collido, perdeuno cando se meteu nunha rúa escura e estreita. 

Todos recuperaran a súa forma humana e non volveron a saber nunca máis do cociñeiro.

El tío irlandés

Mercurio (Hg), traballo de alumno

 

Autor: V

O osíxeno

 Autora: Neko-Chan

Actividade astronómica cos profesores do IES de Sar

Hoxe tivemos unha actividade científica moi interesante no noso colexio. Viñeron tres profesores do IES de Sar (Isaac, Leopoldo e Aníbal) para compartir con nós o seu telescopio solar. Todas as alumnas e os alumnos do noso colexio puideron achegarse a velo e a ollar a traveso del. O tempo non nos acompañou, pois o ceo esta cuberto e non se puido observar, e houbo que enfocar para outro lado. A pesares de non poder realizar ningunha visualización astronómica, o noso alumnado pasouno moi ben con esta actividade, con gañas de investigar sobre o Universo.

A auga viaxeira

Hoxe na clase fixemos un experimento consistente en mostrar as propiedades de cohesión e adhesiva da auga, grazas as que é quen de viaxar desde un recipiente a outro ao longo dunha corda. 

Kölner Karneval (Entroido de Colonia)

A celebración do Entroido deste ano non vai ser a habitual, non faremos festa conxunta nin virán as familias ao colexio, dada a situación de emerxencia sanitaria que estamos a vivir. Pero ímonos disfrazar, cumprindo, iso si, todas as medidas de prevención do covid 19. 

Nesta ocasión imos emular algúns dos principais entroidos do mundo. Á nosa clase correspondeulle por sorteo o Entroido que se celebra na cidade de Colonia, en Alemaña. Neste enlace podedes acceder a unha páxina que nos falta desta celebración. Tamén vos amosamos algunhas imaxes da mesma.

1 000 grullas de papel

Segundo unha lenda xaponesa, se fas mil grullas de papel farase realidade o teu maior desexo. Esta consigna remóntase á historia dunha pequena víctima do lanzamento da bomba atómica sobre Hiroshima, durante la Segunda Guerra Mundial. Preme neste enlace ou na imaxe de abaixo se queres ter más información.

Sadako Sasaki, escultura de Hazel Reeves, no Xardín da Paz de Hed Wenn en Gales

Memorial da Paz de Hiroshima

O Big Bang e a orixe do Universo

Os seguintes vídeos explican a teoría do Big Bang, a teoría científica actual sobre a orixe do Universo, segundo a que o Universo se orixinou a partir dunha gran expansión que comezou hai uns 13 800 000 000 anos. Tamén podes acceder neste enlace á páxina da NASA, que o explica dunha maneira moi interesante.

Comezamos un novo trimestre!

Ola a todas e a todos. Mañá comezamos o segundo trimestre! Ánimo! Volvemos vernos despois das vacacións de Nadal, con enerxías renovadas e con moitas gañas de aprender e de facer novos descubrimentos. 

Pero..., un momento, antes de empezar, ímonos relaxar, para comezar sen tensións, coa nosa mente serena e o noso corpo tranquilo. 

Nesta imaxe e neste enlace tedes moitas ideas para poder relaxarvos. A ver que vos parece!